O fiscal Antidroga de Pontevedra, Pablo Varela, anunciou na mañá deste mércores que retira a acusación contra o galego Juan Carlos Caeiro e o onubense Santiago Ibáñez.
Un e outro deixaron o banco do xuízo pola macrocausa do Titan III que se desenvolve desde hai semanas na Audiencia Provincial. Varela tomou esa decisión ante a falta de probas contra ambos.
Fíxoo tras a conclusión da práctica da proba e antes da quenda de conclusións e informes. Para o mediodía deste mércores espérase o inicio dos informes sobre o caso do alixo de 1,7 toneladas de cocaína interceptadas en dirección a Galicia en agosto de 2018.