O Concello de Pontevedra porá fin esta semana ás obras do parking disuasorio de Mollavao. Unha actuación que comezaba o
Ademais do acondicionamento da chaira, cun novo pavimentado a base de sabre, a actuación tamén incluíu a roza e a limpeza da parcela.
A actuación de Mollavao, que conta con 185 prazas de estacionamento, está a ser posible grazas ao permiso concedido polo Servizo Provincial de Costas, xa que os terreos son de dominio público marítimo-terrestre.
Neste sentido, a intervención está a ser executada pola empresa EC Casas por un importe de 48.000 euros e, grazas a ela ,ponse solución a unha demanda histórica en Mollavao, xa que os veciños levaban anos queixándose do mal estado deste parking e da multitude de fochancas que había en devandita chaira.
Unha vez terminadas estas obras, o Concello de Pontevedra continuará traballando noutro dos aparcadoiros máis populares da cidade, o que está situado en fronte do Pavillón Municipal de Deportes.
Neste caso, as obras serán executadas pola empresa Covsa e o investimento ascende a 47.000 euros. Con estes traballos tamén se arranxarán todas as fochancas que presenta na actualidade este espazo.
FONTE SANTA. Paralelamente a estas obras, o goberno local comezou o martes os traballos de reparación de dous muros en Fonte santa. Un proxecto de reforma no que se aproveitará para introducir melloras na urbanización.
Ademais do citado muro, de 20 metros cadrados, o concello arranxará outro de 80 metros e actuará tamén nun pozo de saneamento que se viu afectado polo mal estado dun destes muros.
Para rematar, incluirase tamén a reposición de farois e doutro mobiliario.
En total, o Concello destinará a estas obras 186.020,74 euros.
