Un forte cheiro a gas mobilizou a efectivos do Parque Municipal de Bombeiros de Pontevedra na mañá deste mércores no barrio de Campolongo
Varias dotacións acudiron ás inmediacións dun bloque de edificios próximo á Praza de Galicia co fin de descartar calquera risco de explosión.
Tras efectuar as preceptivas medicións cos seus sistemas Drager e entrevistarse cos veciños do lugar, os Bombeiros consideraron que non existía risco e regresaron á base.