Unha fraude de seis millóns en pensións de defuntos

A Policía Nacional, en colaboración coa Secretaría de Estado de Seguridade Social, destapou unha fraude de 6.357.510,68 euros realizado mediante o cobro indebido de pensións de persoas falecidas durante o pasado ano en 21 provincias españolas. A investigación desenvolveuse en varias provincias, entre elas as de Pontevedra, A Coruña e Ourense.

Os axentes arrestaron a 11 das 36 persoas que foron identificadas como presuntas responsables dun total de 55 delitos contra a Seguridade Social, estafa, falsidade documental e apropiación indebida, segundo deu a coñecer este mércores a Dirección Xeral da Policía.

As actuacións levaron a cabo ao longo de todo o ano 2019 nunha vintena de provincias: Álava, Alacante, Almería, Asturias, Barcelona, Cáceres, Cantabria, Córdoba, Xirona, Huelva, A Coruña, As Palmas, Madrid, Málaga, Murcia, Ourense, Pontevedra, Santa Cruz de Tenerife, Sevilla, Valencia e Zaragoza.

As primeiras indagacións comezaron ao recibirse varias denuncias de feitos similares en diferentes puntos do país. A maioría dos implicados no beneficio destas contías abonadas de forma ilícita eran persoas próximas aos falecidos, como irmáns, fillos, netos e sobriños, pero tamén maridos, esposas, xenros e exparejas.

Non todos os responsables identificados puideron porse a disposición da autoridade xudicial xa que algúns faleceron, están enfermos graves ou se atopan en avanzado estado de idade. Outros se atopan residindo en Alemaña, Chile, Ecuador, Estados Unidos, Francia, Suíza e Venezuela.

DA ACTRIZ... Esta operación supuxo un reto organizativo para os investigadores. Xa non só polo rastro das contas, senón pola picaresca empregada polos autores. Analizáronse un total de 12.586 abonos indebidos, 75 contas bancarias, 23 casos con máis de 100.000 euros defraudados, 40 pensións que superaban os dez anos de ingresos ilícitos, 22 falecementos ocorridos antes do ano 2000 e 11 mortes de pensionistas españois ocorridos no estranxeiro.

Grazas aos mecanismos establecidos legalmente, ata o momento puidéronse recuperar 3.893.787,08 euros do total defraudado, segundo subliñan as mesmas fontes policiais.

A Dirección Xeral da Policía destaca o caso dunha muller que, co fin de conseguir acceso á conta bancaria da súa nai falecida catro anos antes, non dubidou en achegarse ao banco con outra persoa que suplantó a identidade da súa proxenitora. Deste xeito, conseguiu o acceso ao diñeiro mediante a falsificación da firma da titular da conta. A implicada beneficiouse de máis de 200 disposicións en efectivo, que supuxeron unha fraude ao Instituto Nacional da Seguridade Social de máis de 74.000 euros, abonados durante os máis de 20 anos de forma indebida.

...AO EMPREGADO DE BANCA. Un dos detidos é un empregado de banca que, aproveitando os seus coñecementos no posto e abusando da confianza dos seus compañeiros de oficina, chegou a realizar ata 62 reintegros da conta dunha muller falecida e que foran abonados indebidamente polo Instituto Nacional da Seguridade Social.

Para cometer os feitos, este home falsificou os xustificantes de efectivo e as cartillas bancarias da pensionista falecida e, co fin de xustificarse no seu posto de traballo, aproveitaba os momentos nos que atendía a persoas de avanzada idade para indicar ao seu compañeiro de portelo que a mesma era moi maior, que non podía estar de pé ao ter dificultades de movemento e invitábaa a esperar sentada.

Con esa estratagema, conseguía que en caixa lle entregasen o diñeiro coa falsa crenza que a muller que estaba sentada era a titular da conta. O arresto do traballador produciuse mentres extraía diñeiro nun caixeiro automático da propia entidade á que roubara previamente.

A segunda parte desta operación consistirá en pór ao día todas as cantidades defraudadas, xestionar a súa devolución (nos casos nos que sexa posible) e abrir o consecuente proceso xudicial contra os seus autores.