A Garda Civil incrementará os controis a motos en Pontevedra

Tráfico empregará motos camufladas co fin de evitar a sinistralidade
Una BMW y el agente que la pilota, en vaqueros y chaleco. SOCIALDRIVE
photo_camera Una BMW y el agente que la pilota, en vaqueros y chaleco. SOCIALDRIVE

A Garda Civil de Pontevedra intensifica o control dos desprazamentos en motocicletas, co emprego de motos camufladas, co fin de evitar a sinistralidade destes vehículos. 

Segundo informou o Instituto Armado, o pasado fin de semana do 7 e 8 de maio, con motivo da campaña de control de motocicletas establecida pola DXT, o Subsector de Tráfico de Pontevedra estableceu dispositivos orientados a controlar os desprazamentos nas estradas máis frecuentadas por este tipo de vehículos. 

Todo iso, destacaron as mesmas fontes, co fin de poder detectar aquelas condutas "máis imprudentes", coa finalidade de reducir a accidentalidade. 

Ademais dos vehículos rotulados, empregáronse motocicletas camufladas, con axentes de paisano que utilizaron chalecos reflectores oficiais, engadiron as mesmas fontes. 

Por parte do Subsector de Tráfico de Pontevedra, independentemente das campañas que poida prever a DXT, subliña que se continuará con este tipo de dispositivos, sobre todo os fins de semana en que a climatoloxía permita ou favoreza o incremento de desprazamentos neste tipo de vehículos". 

Comentarios