A comandancia da Garda Civil de Pontevedra suspendeu pola pandemia de covid-19 os actos de celebración da súa patroa, a Virxe do Pilar. Esta decisión, segundo o instituto armado, tomouse ante a situación "que se está vivindo" e seguindo as recomendacións para evitar a propagación da pandemia.
Os actos suspendidos organízanse cada ano, coincidindo co 12 de outubro, na comandancia de Pontevedra e a el acoden autoridades de toda a provincia.
Nesta ocasión, a conmemoración será este venres cun acto restrinxido ao izado da bandeira, o himno nacional e a homenaxe aos caídos. Nel participará unha reducida representación dos gardas civís da comandancia.
A Garda Civil espera poder retomar o evento o próximo ano e reitera o seu compromiso de proximidade "e prontitude" para ofrecer un mellor servizo á cidadanía.