Un home foi achado morto na mañá deste luns no interior do seu vehículo no aparcadoiro Veteris. Ao parecer, segundo os primeiros indicios, o falecemento produciuse por causas naturais, pero será a autopsia a que determine a causa da morte.
Unha chamada ao 112 mobilizou a Policía Nacional e os servizos de urxencia, aínda que os últimos só puideron certificar o falecemento do home.
O vehículo que estaba estacionado no aparcadoiro atopábase apagado. Unha vez autorizado o levantamento do cadáver, o corpo foi trasladado ao Instituto Anatómico Forense de Pontevedra, sito no Hospital Provincial, para a realización da correspondente autopsia.