A Policía Nacional da Comisaría Provincial de Pontevedra identificou unha muller que cometeu varios furtos en tendas valéndose dunha bolsa forrada con papel de aluminio para eludir os sistemas de alarma dos establecementos.
Os axentes que se atopaban realizando labores de prevención da seguridade cidadá observaron a presenza de dúas mulleres, unha delas manipulando unha bolsa en actitude sospeitosa en plena zona comercial.
Os axentes identificaron a muller, que levaba nunha bolsa forrada con papel de aluminio –para anular as alarmas– múltiples pezas de dúas tendas diferentes valoradas en 285 euros.
Unha vez identificada, os axentes o entregaron unha citación para a celebración de xuízo rápido por furto.
