A Policía Nacional ha identificado a dúas persoas que están acusadas de estafar uns 50.000 euros a persoas maiores de Pontevedra.
Investígaselles, segundo informou a comisaría provincial, dos delitos de estafa, apropiación indebida e branqueo de capitais.
A investigación desta operación, que foi denominada Planet, comezou tras a denuncia presentada por unha suposta estafa de máis de 30.000 euros, un prexuízo económico que, tras as primeiras análises, acabou situándose nos 50.000 euros.
O responsable gañábase a confianza de persoas maiores, empregando a súa "afabilidad, don de xentes e facilidade de palabra", destaca a Policía Nacional, para estafalos.
Primeiro achegábase a eles tratando de venderlles libros e ofrecíase despois como intermediario para vender outras antigüidades que os maiores tivesen en casa.
Durante este proceso, o estafador solicitáballes diñeiro para xestionar as vendas e obter así un mellor prezo.
Tras identificar ao autor material da estafa, os axentes descubriron que esta persoa se valía doutras persoas realizar os movementos de diñeiro das vítimas.
A operación segue aberta e non se descartan novas detencións.