A ritmo do We are de champions de Queen, os representantes do IES Luís Seoane recolleron o pasado luns en Madrid o primeiro premio da Fundación GSD Innova polo seu proxecto Obxectivo: Igualdade, nacido hai catro anos no instituto de Monte Porreiro para loitar contra o machismo nas aulas.
O director do centro, Carlos García; a profesora que coordina o proxecto, María José
Escolas de Tenerife e Alacante recibiron mencións especiais por proxectos relacionados con actuacións na aula, o contexto social do alumnado, absentismo escolar, a relación coa ANPA e a educación de calidade.
José Manuel Pinal, director xeral de Centros e Recursos Humanos da Consellería de Educación, entregou o primeiro premio da modalidade II ao colexio Uxío Novoneyra (O Cebreiro, Lugo) mentres o grupo interpretaba Miña terra galega. Gañaron cun documental "tan lírico como o poeta que dá nome ao seu centro, no que se conecta a arte, o cine e a natureza", segundo afirmou o xurado. O segundo premio desta modalidade foi para o CEIP San Xoán de Filgueira (Ferrol), por A nena escola, a miña familia.
O presidente do Consello Escolar do Estado, Enrique Roca, entregou o primeiro premio nacional da modalidade I ao IES Luís Seoane por Obxectivo: Igualdade. García, Lorenzo e Dourado participaron nunha entrevista e recibiron as correspondentes felicitacións, que, apuntou o director, "estendemos a toda a comunidade do instituto de Monte Porreiro".
DIVERSIDADE. O xurado valorou "a importancia da igualdade de xénero como valor social e persoal, nun proxecto dirixido a estudantes de Secundaria cunha significativa diversidade cultural". Así mesmo, destacou o feito de que o proxecto xurda do propio alumnado, así como o compromiso do centro nunha iniciativa de longa traxectoria».
O premio, ademais da correspondente figura, está dotado con 7.000 euros en metálico. Aínda que as bases establecen que unha metade é para os docentes implicados e a outra para o instituto, Dourado sinala que todas as profesoras renunciaron ao seu parte en beneficio do IES. Así, a cantidade íntegra destinarase a continuar co proxecto e a financiar mobilidades do alumnado con outras escolas asociadas á Rede Unesco.
O principal obxectivo deste proxecto galardoado é empoderar ás nenas e novas e erradicar das instalacións educativas as actitudes machistas e os roles patriarcales.
