martes. 12.11.2019 |
El tiempo
martes. 12.11.2019
El tiempo

Un incendio na cabina dun furgón en Mollavao alerta aos veciños

Os operarios durante os labores de extinción das chamas, este sábado. DP
Os operarios durante os labores de extinción das chamas, este sábado. DP
O autor, que resultou ileso, estaba a cociñar cando se orixinaron as chamas

Un incendio orixinado na cabina traseira dun furgón alertou este sábado aos Bombeiros e Policía Local que se achegaron a sufocalo ata a chaira de estacionamento do barrio pontevedrés de Mollavao

O lume orixinouse ao redor da unha do mediodía, cando o propietario, un indixente que o emprega como vivenda, intentaba cociñar. A pesar dos esforzos do home por controlalo, as chamas prenderon na roupa e desfeitos acumulados no vello vehículo quedando inutilizado, afortunadamente sen lamentar danos humanos.

A actuación dos Bombeiros permitiu sufocar as chamas e a intensa fumareda negra que se puido apreciar desde os arredores da localidade. Non é a primeira vez que o individuo se atopa nunha situación similar, a pesar das reiteradas advertencias das autoridades. Hai tres anos, provocou un curtocircuíto cando vivía na ponte do río dos Gafos. Noutra ocasión, as chamas orixináronse nunha infravivenda que ocupaba na rúa Rosalía de Castro.

Os feirantes que se atopaban no recinto con motivo das festas da Peregrina levaron un bo susto, aínda que non foi necesaria a evacuación da zona.

CASCALLOS EN MOLLAVAO. Ás queixas dos veciños polo fume que habitualmente orixina o home invadindo as vivendas, súmase o malestar do barrio ante a acumulación de electrodomésticos, colchóns e outros refugallos en Mollavao que converten a chaira nun gran vertedoiro.

"Moitos aprovéitanse do que acumula o home e veñen de noite a tirar de todo como se fora un vertedoiro, o non trae aquí os colchóns nin os sillóns", comentou unha veciña tras o suceso. Mentres tanto, os residentes esperan unha solución ante o crecente incivismo no barrio.

Un incendio na cabina dun furgón en Mollavao alerta aos veciños
Comentarios