Inician as obras para abrir un centro de maiores no centro histórico

A empresa pontevedresa Sacendi iniciou xa a reforma dos antigos Almacéns Rodiño Escudeiro, onde prevé abrir un centro de día con 40 prazas e un aloxamento para 39 persoas maiores. A obra, que realiza unha construtora no edificio situado nos números 8 e 10 de cálea Don Gonzalo, conta cun orzamento próximo aos 700.000 euros.

O inmoble, que está datado nos séculos XVIII e XIX, conta cunha superficie de 2.310 metros cadrados que se distribúen en catro alturas. A intención é que, ademais da atención a usuarios, o centro dispoña dunha unidade de rehabilitación terapéutica para persoas afectadas por ictus, por enfermidades neurológicas como o párkinson e por reúmas, entre outras. O proxecto tamén contempla unha unidade de memoria.

A ALTERNATIVA. A posta en marcha deste novo servizo obrigará a Sacendi a trasladar o seu actual centro de día, situado na rúa Ferreiros, ao centro histórico.

Esta nova instalación, que funcionará baixo a marca Saraiva Senior, suporá a entrada do ‘housing’ en Pontevedra. Trátase dun sistema que se presenta como alternativa ás tradicionais residencias de maiores e cuxo modelo se explota desde hai anos nos países nórdicos.

Unha das características deste proxecto é que os anciáns poden levar os seus mobles e obxectos persoais ao centro, para facer a súa estancia máis agradable.