O Concello deu a orde de trasladar a árbore de Nadal instalado este mércores por erro na Ferrería. A empresa encargada da iluminación do Nadal deste ano, Porgesa S.A., colocou na céntrica praza unha estrutura de menor tamaño do previsto. O abeto metálico tería que haberse montado en Curros Enríquez.
A árbore prevista para A Ferrería terá unha altura de 30 metros, igual que o do ano pasado. En Pontevedra, a tradición de usar este tipo de estruturas artificiais e non abetos naturais empezou en 2011. O 5 de decembro daquel ano, o alcalde, Miguel Anxo Fernández Lores, acendía o primeiro exemplar destas características que o Concello colocou nun espazo público, concretamente na Praza de España.
A súa estrutura era de ferro e tiña forma de cono. Medía 22 metros de alto e lucía as cores branco e azul, unha tonalidade elixida polos comerciantes da cidade para render homenaxe á bandeira municipal.
Máis información coa edición en papel deste xoves de Diario de Pontevedra