Este luns efectivos do Equipo de Inspección da Intervención de Armas e Explosivos da Comandancia da Garda Civil de Pontevedra incautaron un total de 3.656 unidades de produtos pirotécnicos que se comercializaban nun establecemento de Pontevedra.
As Intervencións de armas e explosivos da Garda Civil entre as súas competencias, está a de controlar todas as actividades relacionadas coa pirotecnia.
Froito do incremento das inspeccións relacionadas coa campaña do Nadal localizouse no interior dun establecemento polo miúdo en Pontevedra, un total de 3.656 unidades de artificios pirotécnicos da categoría F-1.
O responsable do establecemento foi denunciado, como presunto autor dunha infracción grave, por non notificar esta actividade comercial á Intervención de armas e explosivos da Comandancia da Garda Civil de Pontevedra, de acordo co contido do artigo 127 do Real Decreto 989/2015, en concordancia co artigo 36.2 da Lei de 4/2015 de Protección da Seguridade Cidadá, que leva aparellada unha sanción que vai de 601€ ata 30.000.
Os artificios intervidos depositáronse nun establecemento autorizado a tal fin ata que se autorice a súa destrución.
