O pasado mércores foron intervidas dúas plantas de marihuana por parte da Policía Local de Pontevedra.
Axentes do corpo en funcións de vixilancia dos espazos públicos observaron a existencia de dúas supostas plantas de cannabis de 1 e 1.50 metros nun balcón exterior dunha vivenda da Avenida de Lugo.
Ante o suceso, os axentes procederon á identificación da morada da vivenda, onde manifestaron que as plantas eran para consumo propio, polo que entendían que a súa tenencia era legal. Con todo, a Lei de Seguridade Cidadá considera como infracción grave a plantación destas sustancias en lugares visibles ao público. Ante os feitos os axentes interviñeron o cannabis e fixeron unha proposta de sanción de acordo co regulamento.
