Axentes da Brigada Provincial de Policía Científica do Corpo Nacional de Policía investigan os detalles ao redor do incendio que se declarou na madrugada deste luns nun estacionamento da rúa Bélxicana urbanización de Monte Porreiro. O sinistro iniciouse pasadas as dúas da madrugada, e non foi ata o fío das 3.00 horas cando o 112 alertou aos Bombeiros do Parque Municipal, que se atoparon cun dos vehículos «ardendo case na súa totalidade» e traballaron con rapidez para evitar danos maiores aos coches próximos.
O resultado dunha intervención na que tamén participou a Policía Local foi o dun coche completamente calcinado, que sería o foco do incendio, un con importantes danos nun dos seus laterais e un terceiro con danos máis leves, aparentemente na pintura.
Tras o ocorrido, xa na mañá do luns, os especialistas na investigación de incendios da Comisaría Provincial desprazáronse ao lugar dos feitos.
A inspección ocular deixoulles dúbidas acerca de se se trata dun sinistro intencionado ou fortuíto, polo que deberán profundar para obter unha resposta máis clara.
