KFC, a cadea líder en especialidades de polo recentemente feito, inaugura un novo restaurante en Galicia, situado no municipio de Pontevedra. O novo establecemento é un edificio free standing situado na Avenida de Lugo, 89, e grazas a el KFC reforza a súa presenza en Galicia da man do mesmo franquiciado que ten os locais de A Coruña, Santiago, Narón e Lugo.
Os horarios será de 12.30 a 00.00 horas de domingo a xoves e de 12.30 a 01.00 horas os venres e sábados. O local dispón de servizo de auto para quen queiran encargar os seus pedidos sen baixarse do coche. Tamén conta con quioscos para axilizar os pedidos e facilitar o servizo.
Entre os seus servizos, ofrecerá a posibilidade de celebrar aniversario, xa que dispón de área de xogos infantís. Nos próximos días estará habilitado tanto na web como na APP de KFC o servizo de entrega a domicilio e Click & Collect.
Para este 2021, KFC buscará seguir ampliando o seu rede de restaurantes a través do seu "ambicioso plan de expansión". KFC conta con 194 restaurantes en España e máis de 24.000 locais en 185 países de todo mundo.
"A cadea de restauración cre nos seus valores, entre os que sobresae a paixón polo sabor, a relación calidade-prezo e a orixinalidade, cun produto único e de calidade, cociñado a diario nos seus restaurantes: o #PolloPollo. Si, #PolloPollo, porque cando algo é realmente bo, temos o costume de repetilo dúas veces", explica KFC nun comunicado.
