Un dos puntos complexos, no referente á seguridade dos peregrinos nas rutas a Santiago ao seu paso polo municipio de Lalín atópase na parroquia da Laxe, no entroncamento do trazado da Vía da Prata coa N-525.
Logo de percorrer os 18 quilómetros desde Dozón -a pé, dacabalo ou en bicicleta-, deben atravesar unha estrada cunha alta densidade de tráfico e cunha plataforma cuxa anchura é superior a 25 metros de anchura, cun carril de circulación para cada sentido, un e os de carril de incorporación e desaceleración.
Todo iso nun punto onde os vehículos que circulan en dirección Santiago empezan a gañar velocidade logo de saír da rotonda da autoestrada e dunha curva sen restrición de velocidade e con escasa visibilidade no punto de cruzamento.
Partindo destes argumentos, o Concello de Lalín advirte de que a seguridade dos peregrinos, e neles baséase para solicitar ao Ministerio de Fomento, como titular da N-525, que outorgue a preceptiva autorización para a construción dunha pasarela por encima deste viario para evitar o cruzamento ao mesmo nivel coa Nacional.
Paralelamente, a moción elaborada polo Concello de Lalín, que será aprobada na próxima sesión plenaria apunta tamén que a Xunta de Galicia, a través da Sociedade de Xestión do Xacobeo, tería asumir a tarefa de encargar o proxecto e a execución dunha pasarela sobre a estrada N-525 que entronque co Camiño de Santiago no trazado actual co viario que discorre entre as casas do núcleo da Laxe e que finaliza á altura do Albergue de Peregrinos.