A subdelegada do Goberno en Pontevedra, Maica Larriba, apelou á "prudencia" e á "responsabilidade" dos cidadáns para que a curva de contaxios da covid-19 non aumente antes de Nadal.
"Non existen motivos para confiarnos", sinalou Larriba, que recorda que os contaxios continúan polo que a responsabilidade "debe ser máxima" para que a situación "non empeore" antes das festas do Nadal.
Tras presidir a reunión do Centro de Coordinación Operativa, na que se prepararon os operativos de vixilancia e control para os próximos días festivos, a subdelegada insistiu en que as medidas aprobadas onte non deben ser entendidas como
As autoridades empregaron esta reunión, na que participaron responsables da Policía Nacional, a Garda Civil ou a Policía Autonómica, para analizar as medidas decretadas pola Xunta e fixar os operativos policiais de vixilancia e control dos peches perimetrales.
As forzas e corpos de seguridade de Estado, segundo Maica Larriba, seguirán coordinándose coas policías locais para garantir o cumprimento das medidas sanitarias decretadas e a nova regulación do sector da hostalería.
Ademais, os axentes reforzarán a vixilancia sobre o cidadán e, naqueles municipios con peche perimetral, controlarán que se cumpran as restricións de movemento.