Os Bombeiros de Pontevedra liberaron este martes a unha muller que se quedou atrapada tras sufrir unha caída ao saír dun ascensor.
O accidente produciuse sobre as tres da tarde, segundo informou o 112 Galicia, nun edificio situado na rúa Ramón Cabanillas.
Foi un familiar da vítima quen alertou aos servizos de urxencia para que rescatasen á muller, que se atopaba ben pero necesitaba axuda para saír do ascensor.
Tras a caída quedara atrapada entre a porta do aparello e a parede do edificio.
Ao lugar trasladáronse axentes da Policía Local de Pontevedra e da Policía Nacional, xunto cun equipo de urxencias do 061 que prestou asistencia á muller.