O presidente da Federación Galega de Fútbol e expresidente popular da Deputación de Pontevedra, Rafael Louzán, recorreu a sentenza do Xulgado do Penal número 3 de Pontevedra que o condena a dous anos de cárcere e oito de inhabilitación por prevaricación e fraude.
Así o confirmou Rafael Louzán a Europa Press, quen explica que ese recurso se rexistrou en Xulgado do Penal número 3 o pasado mércores, 10 de marzo. Agora darase trámite á Audiencia Provincial de Pontevedra, que será a encargada de resolver sobre o caso.
Igualmente, Louzán remítese ao comunicado do pasado 5 de febreiro, día no que se coñeceu o fallo, no que mostraba o seu "convencemento claro" de poder demostrar a súa "inocencia".
"Tal e como testificaron todos os técnicos das distintas administracións implicadas, testemuñas, funcionarios e peritos, que acreditaron en sede xudicial a corrección do procedemento seguido e da execución da totalidade das obras proxectadas", aseguraba hai un mes.
Igualmente, condenou á mesma pena á exalcaldesa de Moraña e por entón delegada da Xunta en Pontevedra, Luisa Piñeiro
"No entanto, a xuíza que emitiu a resolución xudicial condenatoria, en primeira instancia, non o entendeu así, considerándome responsable no procedemento administrativo polo mero feito de ser a máxima autoridade da Deputación de Pontevedra nese momento, e en ningún caso, tal e como se indica por parte da xuíza, porque haxa probas que evidencien coñecemento e/ou participación pola miña banda nos feitos", argumentaba no escrito.
Nunha sentenza de comezos de febreiro, o Xulgado do Penal número 3 de Pontevedra condenaba a dous anos de cárcere ao que fose presidente da Deputación co PP -formación da que pediu a baixa en 2016- por conceder unha subvención de 86.311 euros para realizar unhas obras no campo de fútbol de Moraña "que xa estaban, no seu maior parte, executadas con anterioridade".
Igualmente, condenou á mesma pena á exalcaldesa de Moraña e por entón delegada da Xunta en Pontevedra, Luisa Piñeiro, que dimitiu do seu cargo no Goberno galego tras coñecerse a sentenza.
