A Deputación de Pontevedra aprobará o vindeiro venres o II Plan Estratéxico Provincial de Turismo, logo de ser validado anteriormente pola mesa de Turismo. Trátase dunha folla de ruta que define a reactivación do sector para os próximos tres anos.
Segundo informa a Deputación, o documento do que se fala é un marco, extenso, onde se asenten as distintas bases para a reactivación do sector turístico no destino Rías Baixas, con duración de tres anos e prevese un movemento económico de arredor de 20 millóns de euros.
Consolidar a provincia de Pontevedra como destino turístico intelixente é o obxectivo deste plan de estratexias. A meta está aliñada coa Axenda do 2030 e que se conseguirá a partir de grandes eixos como a promoción e comunicación, a oferta ao turista e a competitividade entre os destinos.
Desde un punto de vista global, inténtase potenciar o turismo como medio para mellorar a calidade de vida dos cidadáns, reforzando o posicionamento da localidade como espazo con identidade propia, sostible, de calidade e singular.
A proposta ten como meta perfeccionar a exposición do destino fronte aos diferentes segmentos no mercado, converter as Rías Baixas, e polo tanto a provincia, nun destino intelixente recoñecido internacionalmente.
O plan nutriuse de 12 mesas temáticas e entrevistas persoais a expertos
Para a elaboración deste plan, levou a cabo unha metodoloxía participativa de 12 mesas temáticas, ademais de entrevistas persoais a máis de 100 expertos do ámbito provincial, nacional e internacional.
As estratexias do documento fan unha especial aposta pola dixitalización e sustentabilidade, mediante ferramentas tecnolóxicas, como a Intelixencia Turística, Big Data e Intelixencia Artificial como potenciadores do sector turismo.
Ademais, o texto recolle que o presente e o futuro do turismo en Rías Baixas pasa
O Plan Estratéxico ten unha estimación orzamentaria de 16 millóns de euros no período 2021-2030 así como tamén a incorporación de fondos europeos que permitirán a mobilización de ata 20 millóns de euros no desenvolvemento das accións.
Preséntanse ata sete grandes obxectivos: algúns dos máis destacados está o desenvolvemento dun acervo metodolóxico adaptado ás necesidades; fortalecer a capacidade institucional; reducir a fenda dixital; consolidar os esquemas colaborativos públicos-privados; converxencia do orzamento a favor do obxectivo; e maximizar o valor de marca (o destino).
Á súa vez, están incluídos outros tipos de accións que están dirixidas na súa totalidade ao ámbito competitivo, tal como o Sicted, os workshops e feiras de promoción, o programa Smartpeme, a rede de oficinas de turismo, os programas de fondos europeos e actos de comunicación e promoción, como o programa de sensibilización ao sector sobre a sustentabilidade, entre outros.
