Baixo estritas medidas de seguridade conforme aos protocolos establecidos para previr contagios de coronavirus celebráronse este xoves as primeiras probas de oposición a nivel autonómico que se desenvolven despois do estado de alarma. Pontevedra, a cidade con menor incidencia do virus da comunidade autónoma, é desde o xoves o escenario das primeiras cribas en busca dunha das 119 prazas temporais de auxiliar de Policía Local que ofrece a Agasp (Academia Galega de Seguridade) e que se están desenvolvendo nas instalacións do Centro Galego de Tecnificación Deportiva (CGTD).
Os máis de 700 aspirantes (máis do dobre que o ano pasado) preséntanse ás portas do Estadio en quendas de 24 tras un precinto de seguridade e ataviados con máscaras de protección. As bases da convocatoria fixan os dous exercicios obrigados para todos os aspirantes, que servirán para reducir o número de opositores que poderán enfrontarse á proba teórica, un test de 50 preguntas que separará o po da palla. A gran diferenza respecto de convocatorias pre-pandemia é que a Agasp non convoca a todos á vez, senón que o fai por grupos e cada 45 minutos, o que carrexa que as probas manteñan ocupado o CGTD durante dous días, o xoves e o venres.
A primeira proba física (eliminatoria) é
Os que superan con éxito o reto do impulso enfróntanse aos 1.000 metros lisos, unha distancia alcanzable para todos os que acudan nunha aceptable forma física (que son a gran maioría) tendo en conta os tempos que se piden, non demasiado esixentes.
Os resultados de ambas as probas non suman para a nota final, pero se non se superan os mínimos son eliminatorios. Ademais, os tempos serán decisivos en caso
A xornada deste venres servirá para que conclúan a súa participación todos os aspirantes (calcúlase que a metade, uns 350). O concello que ofrece máis prazas na presente oposición é o de Sanxenxo, con 33. Ademais, os que non consigan un posto entre os 119 mellores quedarán nunha lista de espera que se move con facilidade, polo que moitos poderán traballar.