Máis da metade dos pontevedreses non mantén unha relación estable

O 54,52% dos habitantes da provincia de Pontevedra de entre 20 e 59 anos non mantén unha relación, segundo un completo estudo que publicou SugarDaters, un dos portais de referencia para atopar parella. Nesta porcentaxe inclúense viúvos, divorciados, separados e solteiros.

A análise reflexa que o porcentaxe "oficial" de desemparellados sitúase no 45,52%, posto que no caso dos homes, o índice queda establecido no 50,18% e no das mulleres baixa dez puntos, ata o 40,83%.

Con todo, os autores do estudo matizan que se debe ter en conta que outras persoas poderían romper o seu matrimonio e estar a buscar parella. Tamén hai viúvos cuxa parella podería falecer e, con todo, poderían estar listos para iniciar unha nova relación. Tendo en conta estas variables, o 54,52% dos habitantes de Pontevedra estaría sen parella, cifra que nos homes é 57,05% e nas mulleres de 52,07%.

SugarDaters calculou que en Pontevedra é posible atopar a 60,40 persoas por cada quilómetro cadrado que non teñen parella e atópanse entre a franxa de idade consultada. Deles, o 31,61% serían homes e o 28,88% mulleres.

En canto ao estado civil, o 45,48% das persoas residentes en Pontevedra está casada. Esta cifra é sempre lixeiramente superior nas mulleres que nos homes. Neste caso, o 42,95% de homes forma parte dun matrimonio, mentres que no grupo das mulleres a cifra ascende a 47,93%.

Segundo estas cifras, en Pontevedra habería uns 50,39 casados por quilómetro cadrado.

SEPARADOS. O 7,89% dos habitantes indica que está separado (1,95%) ou divorciado (5,94%). Neste caso, o 6,18% de homes e o 9,67% de mulleres están divorciados ou separados.

Seguindo coa repartición por áreas, hai unhas 8,74 persoas por quilómetro cadrado que se divorciaron ou se separaron.

En canto a viúvos, o 1,10% dos pontevedreses asegura atoparse nunha situación de viuvez, cifra que nos homes rolda o 0,68% e, no caso das mulleres, o 1,56%.

Alexandra Olariu, directora de mercadotecnia de SugarDaters, destaca en que "as persoas que buscan unha relación e non a atopan só teñen que pensar na cantidade de solteiros/as que hai ao seu ao redor. Incluso nas provincias españolas máis deshabitadas hai persoas abertas a explorar, coñecer, bicar, amar e gozar".

"O que pasa", engade Olariu, "é que os nosos costumes cambiaron tanto nas últimas dúas décadas que para algunhas persoas pode ser difícil dicir "ola, ¿sabes que? ¡gústasme!". Pero con valor pódese facer".

A análise efectuada por SugarDaters agrega que Las Palmas é a provincia con máis persoas sen parella, xa que o 62,72% dos seus habitantes están solteiros, separados, divorciados ou son viúvos e Xaén onde máis matrimonios hai, cun 56,87% de persoas casadas.

Alacante (9,22%) é a provincia con máis homes separados e divorciados; no caso das mulleres trátase de Tarragona (11,40%).