A produtora pontevedresa Matriuska recibiu un dos recoñecementos a documentais máis importantes do mundo. O proxecto A media voz, producido polo pontevedrés Daniel Froiz e Claudia Calviño foi elixido como mellor película no Festival Internacional de Cine Documental (IDFA) de Ámsterdam.
"Para Matriuska este premio é moi importante porque iniciamos unha carreira nas coproducións internacionais e isto é o froito dese traballo en coprodución con Cuba, Francia e Suíza", manifestou este xoves Dani Froiz. "Isto supón un gran esforzo, cunha rodaxe que se fixo en Cuba, Suíza, Galicia e Madrid. Para nós xa era un éxito estar na sección oficial, xunto a películas alucinantes que vimos alí, e xa gañar é moi importante, tanto para Matriuska como para o percorrido da película", engadiu o produtor pontevedrés.
"A película é unha oda á perda, unha celebración da amizade e unha reivindicación da esperanza e da paixón"
O festival de cine de Amsterdan é "o certame máis importante do mundo, por tamaño e prestixio" no que se refire a documentais. "é unha cita obrigada para todos os documentalistas", manifestou o produtor.
A media voz, que na súa distribución internacional ha recibido o título de In a whisper, é unha produción da compañía pontevedresa Matriuska, en colaboración con Perspective Films (Francia), A 5ta Avenida Producións (Cuba) e PCT (Suíza).
O filme, dirixido e protagonizado polas cineastas cubanas Heidi Hassan e Patricia Pérez Fernández, trata sobre o desarraigamento, a maternidade, a terra e a cinematografía. O xurado do festival recoñeceu esta produción, que se centra na historia persoal de dúas mulleres que comparten a súa paixón polo cine, a amizade e a liberdade, porque segundo destacan no fallo trátase dunha aventura cinematográfica "máxica, orixinal e arriscada".
Dirixido e protagonizado por Heidi Hassan e Patricia Pérez, trata sobre o desarraigamento, a maternidade, a terra e a cinematografía"
Tal e como indica o xurado, a película é unha "reflexión refrescante" sobre a madurez feminina e supón "unha oda á perda, unha celebración da amizade, o desexo e a vulnerabilidade e unha reivindicación da esperanza e a paixón", todo iso a través duns diálogos cinematográficos "deliciosamente honestos".
En A media voz, Patricia e Heidi, dúas amigas da infancia que acabaron separadas tras verse obrigadas a emigrar da súa Cuba natal, reencóntranse a través da correspondencia audiovisual que retoman, xa preto dos 40 anos, para compartir os retos aos que se enfrontan nas súas novas vidas lonxe da illa, unha en Suíza e a outra en España. O resultado destes envíos, editados de forma cronolóxica, mostra as súas respectivas visións sobre a maternidade, o cine, a amizade ou a liberdade.
Tras conquistar Amsterdam, o próximo paso
