McDonald"s prevé instalarse no polígono de O Vao. Así o confirman a diario de Pontevedra responsables da multinacional de comida rápida, que aseguran que a firma segue interesada en instalarse na ampliación do parque comercial, que promove Ponteno.
En total, sete serán as empresas que se situarán neste espazo. Seis delas solicitaron xa ao Concello a licenza de actividade, que está en fase de tramitación.
Son Decathlon, dedicada á venda de roupa e material deportivo; Norauto, relacionada co sector da automoción; VegalsaEroski, do ámbito da alimentación; Leroy Merlin, do ámbito da bricolaxe; JYSK, centrada no sector dos mobles e o enxoval, que abriría en Pontevedra o seu primeiro establecemento na provincia, e Kiwoko (antes Tiendanimal), unha cadea de produtos para mascotas.
A promotora confía en empezar as obras no Vao antes de que finalice o primeiro trimestre de 2022, é dicir, antes de marzo. Para iso deberá reunir todos os permisos municipais. Xa ten o de urbanización da parcela e fáltalle o da construción das dúas naves que se levantarán neste recinto.
Aparcar. A ampliación do polígono asentarase nunha parcela de máis de 36.000 metros cadrados, que gardarán espazos para edificacións, viarias, zonas verdes, cesións a outras administracións e aparcadoiros.
O parque empresarial contará con dous estacionamentos, un de 462 prazas no exterior, e outro de 212 na parte alta da nave central. Neste último, seis prazas reservaranse para persoas con mobilidade reducida.
