A pesar de que as expertas en violencia de xénero insisten na necesidade de que un agresor non conte con réxime de visitas aos seus fillos polo risco que supón, a día de hoxe moitas mulleres teñen que seguir entregando aos seus fillos menores aos seus agresores. En Pontevedra, utilizan o punto de encontro familiar da Xunta oito mulleres da Boa Vila, Poio e Meis, segundo fontes de Política Social.
Non son as únicas vítimas de violencia de xénero que cumpren cun réxime de visitas, xa que as hai que realizan as entregas a través de familiares para non ter contacto co seu maltratador, un requisito fundamental para levar a cabo o intercambio.
En catro dos casos, os menores vanse cos seus proxenitores fose do recinto e, nos outros catro, as visitas realízanse nas propias instalacións baixo a supervisión e tutela de persoal do centro.
Casos activos
A nivel provincial, segundo os datos do sistema Viogén, hai dúas mulleres en risco extremo por casos relacionados coa violencia de xénero e outras 15 en risco alto.
1.135
En total, na provincia de Pontevedra hai 1.135 casos activos por violencia de xénero. Desde que hai recontos, 12.184 mulleres na provincia foron vítimas de violencia de xénero.
