A Concellería de Residuos, que xestiona Raimundo González Carballo, realizou este xoves un zafarrancho extraordinario de limpeza no centro urbano de Ponte Sampaio. Os traballos, que foron executados pola empresa Ferrovial (a antiga Cespa), incluíron rozas.
A intervención, que obrigou a prohibir estacionamentos, realizouse con maquinaria de soprado e varredoras en toda a estrada que dá acceso á parroquia e á zona da Xunqueira, no bordo da ponte medieval e no propio viaduto. Tamén se utilizou cortadoras para acabar coa maleza que crecía nalgúns espazos públicos.
