Unha veciña de Marín de 68 anos faleceu e a súa neta, de oito, sufriu feridas graves, tras ser atropeladas este martes na estrada vella de Marín - Pontevedra.
Segundo informou a Policía Local de Pontevedra, o accidente rexistrouse sobre as 17.15 horas á altura do número 113 de Montero Ríos. Ao parecer, o condutor atravesou a estrada, probablemente debido a unha excesiva velocidade, golpeando primeiro a un vehículo estacionado e posteriormente, subindo á beirarrúa contraria por onde paseaba a muller xunto á súa neta, de oito anos.
A menor foi trasladada ao Hospital Provincial con feridas graves, aínda que a súa vida non corre perigo.
