A Boa Vila foi escenario este xoves dun novo atropelo, por sorte con consecuencias, en principio, leves, que tivo como vítima a un neno nunha zona con preferencia peonil. O afectado foi un menor duns dez anos de idade que acabou polos chans nas inmediacións da rúa Pai Gaite mentres cruzaba o citado viario á altura do pavillón universitario e unha das entradas laterais do Centro Galego de Tecnificación Deportiva (CGTD).
Axentes da Policía Local de Pontevedra, cuxas dependencias se achan a poucos metros de lugar do accidente, e efectivos sanitarios do 061, desprazáronse ao lugar en poucos minutos. Os axentes municipais informaron que as lesións parecían non revestir gravidade, a falta dunha posterior exploración.
O do xoves foi