O soterramento da liña de alta tensión ao seu paso por Monte Porreiro parece estar gafado. Ao importante atraso que acumulou o inicio dos traballos sumouse, hai unha semana, o afundimento dunha parte da Rúa dous Campos mor dun fallo no encofrado.
Aínda por riba, este mesmo martes saltou un novo contratempo. Unha das tubaxes que discorren pola zona onde se está escavando o chan sufriu un rebentón e ocasionou unha importante inundación na rúa Portugal.
O contratempo, cuxo orixe se descoñece, puido ser accidental pero o que exasperou aos veciños foi a actitude dos empregados, tanto da empresa que executa as obras como de Viaqua, adxudicataria do servizo de auga. "A rotura produciuse ás cinco da tarde e ás 9 da noite aínda seguían saíndo litros e litros de auga á rúa. Os traballadores pasaron en furgoneta, miraron e marcháronse sen facer nada", criticaron.