O BNG de Pontevedra, o de Vilaboa e o de Soutomaior anunciaron este venres que volverán insistir ante o Ministerio de Fomento para poder unir cunha senda peonil Arcade e a cidade do Lérez.
O edil pontevedrés de Mobilidade, Luís Bará; a tenente de alcalde de Vilaboa, Ornela Fernández Salgado, e o portavoz do BNG de Soutomaior, Manuel Lourenzo, compareceron este venres na Illa de Medal, Ponte Sampaio, para explicar os detalles dun plan que, defendeu Bará "conseguiría, cun custo moi baixo, responder a varias demandas: por unha banda podería ter un uso de mobilidade, cunha distancia de 10 quilómetros sería unha alternativa moi segura para a mobilidade en bicicleta ou mesmo peonil entre Pontevedra e Soutomaior; en segundo lugar tería un uso recreativo e deportivo e, en terceiro, tería unha gran potencialidade turística. Esta contorna ten un gran valor paisaxístico e cultural entre a Illa de Medal, as Salinas de Paredes, ou ENIL dos Gafos, a ponte de Ponte Sampaio, ou Camiño Xacobeo e mesmo a ruta romana da Vía XIX", recordou.
Ornela Fernández afirma que é "moi importante conseguir maior impacto turístico arredor de elementos como as nosas Salinas, aínda que tamén resultará útil a unión dúas tres municipios"
A recuperación do tramo e a súa conversión en Vía Verde implicaría a posta a disposición do público de preto de 10 quilómetros de carreiro desde a zona da estación de autobuses ata a entrada de Arcade. "Ademais de todo o comentado, esta iniciativa podería liquidar problemas de mobilidade que xera a N-550, que non é un viario que sirva demasiado para andar. En termos de utilidade social, este sería un aspecto a ter en conta tamén", explicou o responsable do BNG de Soutomaior.
A nova senda podería servir como recurso para diversificar o turismo. Así o recordou a tenente de alcalde de Vilaboa, quen apuntou que para o seu Concello é "moi importante conseguir maior impacto turístico arredor de elementos como as nosas Salinas, aínda que tamén resultará útil a unión dúas tres municipios".
A proposta presentouse xa no Pleno de Pontevedra, onde resultou aprobada, e volverá ás sesións das corporacións de Soutomaior e Vilaboa antes de que se volva a remitir a Fomento. Aínda que a Vía Verde demandouse en ocasións anteriores sen gran éxito, Luís Bará recordou que "a entón ministra de Fomento non deu ningunha resposta, pero os tempos cambiaron e está a piques de iniciarse unha nova etapa, cun novo Goberno ao que se lle volverá a expor a idea", apuntou.
A ruta partiría da zona da Praza Josefina Arruti, de Pontevedra, e discorrería por Salcedo, Bértola, Figueirido, Paredes, Ponche Sampaio e Arcade, sempre seguindo o tramo do ferrocarril, ou, no caso de que este non estea abandonado (como en Figueirido e Salcedo), as vías alternativas da zona, como os camiños de servizo de acceso ás parcelas ou as vías de apoio de Renfe.
A proposta destaca pola súa capacidade para vertebrar unha alternativa de lecer ecolóxica na que colaborarían tres concellos, e ademais ofrece á cidadanía un traxecto chairo e en liña recta, algo moi valorado desde o punto de vista da práctica de actividades como o footing ou os percorridos en bicicleta.
