As obras da estación obrigan ao peche dun carril de circulación na Rúa da Estación durante este xoves. Trátase do que se dirixe a Eduardo Pondal-Josefina Arruti. Asímismo, quedan fóra desta prohibición os vehículos de transporte público, que poderán circular no sentido circulatorio restrinxido.
O peche prodúcese pola necesidade de instalar unha canalización transversal na rúa para continuar cos traballos de reforma da estación de autobuses. Será en horario de mañá, polo que a circulación recuperará a normalidade a partir da tarde.
Doutra banda, este domingo a rúa Uxío Novoneira permanecerá tamén pechada ao tráfico de vehículos con motivo da instalación dun guindastre na metade da rúa para dar servizo a unha obra nun inmoble da zona. A Policía Local ten elaborado un dispositivo de mobilidad no lugar con desvíos polas rúas de ao redor. O horario establecido do corte de tráfico é de 7.00 a 20.00 horas.
O dispositivo de tráfico obriga ao cambio de sentido circulatorio das rúas Profesor Filgueira Valverde e Joaquín Costa (tramo entre Uxío Novoneira e Profesor Filgueira Valverde), para dar acceso ao centro da cidade.
Tamén se prohibirá o estacionamento a todos os vehículos durante o horario de peche, advertindo a Policía Local que se retirarán todos os que se atopen aparcados nas rúas que cambian de sentido de circulación ata o fin dos traballos.