A Xunta e Cruz Vermella puxeron en marcha o pasado mes de abril unha furgoneta convertida en oficina móbil desde a que ofrecen todo tipo de información aos refuxiados ucraínos na comunidade: desde trámites sanitarios ata escolares, pasando por procura de emprego ou solicitudes de strong <>subvencións sociais.
A unidade chegou este luns a Pontevedra, onde permanecerá ata o venres xunto á sede territorial da Xunta, de 9 a 14 horas, pechando así un periplo que lle levou polas sete grandes cidades e as localidades con smaior concentración de ucraínos de Galicia.
A estrea deste servizo na cidade contou onte coa presenza do director xeral de Inclusión Social, Arturo
A oficina itinerante comezou o seu percorrido na Coruña e pretende favorecer calquera trámite que os refuxiados necesiten levar a cabo. Para iso, dispón dunha traballadora de Cruz Vermella, Anastasia Levchenko, que é ucraína pero leva dez anos residindo en Galicia. "Cando ven que poden falar no seu propio idioma tranquilízanse, porque lles explico con máis detalles e tamén lles fago entender algúns aspectos culturais que son bastante distintos aquí con respecto a Ucraína. Por exemplo, o clima é distinto, e a choiva chócalles e ao principio custáballes".
"Cada vez pregúntannos máis por como teñen que facer para retornar a Ucraína", apunta Marta Lambas, a traballadora social da oenegué que viaxa na furgoneta.
Arturo Parrado explicou as funcións desta unidade móbil: "Informar as cuestións que máis lle poden influír fundamentalmente, tales como normalizar a súa situación, cuestións relacionadas coa atención sanitaria, escolarizar aos nenos ucraínos que están en Galicia e, en definitiva, colaborar co resto de institucións para que estas persoas dispoñan da mellor información posible para complementar a súa situación".
2.323 REFUXIADOS. Os datos achegados pola Delegación do Goberno revelan que a 31 de maio en Galicia residen 2.323 persoas ucraínas regularizadas. Na esfera educativa, 702 nenos xa están escolarizados en 258 centros da comunidade autónoma. No caso de Pontevedra, son 203 nenos en 82 colexios e institutos da provincia.
En canto á atención sanitaria, están xa tramitadas máis de 2.000 cartóns, "concretamente os datos que temos eran de 2.004", puntualizou Parrado, mentres que nos recoñecementos realizados polo Sergas no centro habilitado en Santiago pasaron xa 480 persoas que ben necesitaron unha atención máis personalizada ou tiñan que completar algún ciclo de vacinas. "Seguimos traballando e colaborando con todas as institucións", detallou o director xeral de Inclusión Social, quen departiu durante varios minutos cos responsables desta unidade móbil.
