Os Palleiros denunciará ante o Seprona o caso da cadela de raza podenca tiroteada da Canicouva. Ao can, que presentaba un disparo na columna vertebral e que estaba preñada, practicáronlle a eutanasia debido ao seu delicado estado de saúde.
"Queremos agradecer aos veciños e á moza que deu o aviso. Tamén á Policía Local e á Garda Civil pola súa implicación", manifestou este mércores a portavoz da protectora, Gloria Cubas, que non ve "moi ben" a recompensa ofrecida polo colectivo animalista Libera, que ofrece mil euros a quen poida achegar unha pista para tratar de localizar ao dono do animal.
A podenca rescatada dunha tubaxe na parroquia da Canicouva, na que se refuxiou o luns pola noite. Un operativo no que participaron axentes municipais e traballadores da concesionaria do servizo da auga, Viaqua, que utilizaron cámaras de visión nocturna para situar ao animal, logrou sacar ao animal daquela zona. Finalmente, a cadela acabou morrendo.
A Garda Civil interesouse xa polo suceso. Solicitou datos ante a Xefatura da Policía Local e á clínica veterinaria que atendeu ao animal.
