O parking disuasorio de Mollavao permanecerá pechado durante as próximas tres semanas. O motivo débese ás obras de rehabilitación do aparcadoiro, que incluirá un novo pavimentado a base
Os traballos non só incluirán o acondicionamento da chaira, senón tamén a roza e limpeza da parcela. Esta actuación foi posible grazas ao permiso do Servizo Provincial de Costas, xa que os terreos son de dominio público marítimo-terrestre.
O desenvolvemento da obra dependerá da climatoloxía. A actuación de Mollavao, que conta con 185 prazas de estacionamento, executaraa a empresa EC Casas por 48.000 euros. A intervención porá fin ao mal estado do firme, que é de terra e presenta numerosas fochancas.
