O centro sociosanitario concertado Hestia Santa María
O edificio abriu as súas portas como maternidade co nome de Sanatorio Santa
Segundo informaron os traballadores este martes nunha rolda de prensa, a causa deste peche débese a que a Consellería de Sanidade retirou a acreditación como centro sociosanitario concertado a este edificio da empresa Hestia.
Os delegados sindicais de Comisións Obreiras explicaron que o motivo da retirada é que o centro debe integrar un segundo ascensor e cuartos de baño en cada habitación, pero a protección patrimonial deste edificio do centro histórico de Pontevedra impide acometer esa reforma.
Comisións Obreiras anuncia mobilizacións: a primeira o vindeiro xoves
A empresa tratou de buscar outro inmoble alternativo na comarca, pero finalmente optou por adquirir o sanatorio San José en Vigo, que acondicionará para poder continuar co seu labor sociosanitario. Estes traballos de reforma teñen un prazo estimado nuns seis meses.
Segundo Comisións Obreiras, inicialmente a Consellería estaba disposta a conceder unha prórroga á autorización hospitalaria durante ese tempo para seguir operando en Pontevedra pero, de xeito "precipitado e inxustificado", Sanidade retirou a acreditación e iso provoca que os 58 pacientes que están a día de hoxe nestas instalacións da avenida de Santa María teñan que ser trasladados ou volver aos seus respectivos fogares.
En canto ao persoal de traballadores, Hestia anunciou un expediente de regulación temporal de emprego (Erte) ata que poidan retomar a actividade en Vigo.
Agora Comisións Obreiras iniciará mobilizacións na rúa para presionar á Xunta para que revogue a súa decisión. A primeira acción de protesta será o vindeiro xoves ante a Delegación Territorial de Sanidade en Pontevedra.