O Tribunal Supremo confirmou a condena de dous anos e medio de prisión ao dono dun bar de copas de Meis por delito contra os dereitos dos traballadores ao ter a dez empregadas "realizando funcións de alterne" sen estar dadas de alta na Seguridade Social.
A sala do Penal desestima o recurso presentado polo condenado no que se alega que a sentenza é "contraria ás máximas da lóxica e incoherente coas probas practicadas" pois as mozas que estaban no local, todas elas provenientes de Sudamérica, rexeitaron ser empregadas senón simples clientes e ademais negáronse a asinar as actas dos axentes de Policía.
O alto tribunal basea o seu fallo na declaración dos funcionarios policiais.
Pena de cárcere para o dono dun club de alterne de Meis
O Tribunal Supremo confirma a condena de dous anos e medio de prisión por un delito contra os dereitos dos traballadores
