O alcalde de Pontevedra, Miguel Anxo Fernández Lores, recibiu este venres no seu despacho o cociñeiro Pepe Vieira.
O chef quixo presentar, de primeira man, ao rexedor, o proxecto do restaurante que abrirá proximamente na cidade. Máis concretamente, no local da antiga Ferretería Varela, na praza de Curros Enríquez.
Na visita, Lores destacou a importancia de recuperar un edificio tan emblemático coma este no centro histórico, xa que, deste xeito, revitalizarase a praza.
