Efectivos da Policía Local e Nacional de Pontevedra buscan desde o mediodía deste domingo a un veciño de Pontevedra desaparecido do seu domicilio.
A familia de Salvador Otero Somoza, de 63 anos de idade, denunciou a súa desaparición do seu domicilio, situado nas inmediacións do carballo de Santa Margarita.
Ao parecer foi visto por última vez ás 12.30 horas no xardín da súa casa. á hora para comer a súa familia botouno de menos e foi a buscarlle. "Vimos o enreixado aberto e pensamos que sairía dar un paseo pero non regresou", manifestou a súa filla, que conforme transcorría a tarde empezou a preocuparse pola ausencia do seu pai xa que tiñan previsto irse xuntos uns días "e tiñamos todo preparado".
No momento da desaparición vestía cazadora azul mariño marca Quechua con franxa laranxa, xersei laranxa, pantalóns vaqueiros e botas negras. Non levaba teléfono móbil.
As operacións de procura na cidade prolongáronse pola noite.
