Axentes da Policía Local de Pontevedra detiveron a un individuo de 57 anos acusado dun delito continuado de furto.

Os axentes, que tiñan referencias das súas fechorías desde facía tempo, lograron acreditar que cometía roubos a demanda en establecementos comerciais de Pontevedra e doutros puntos de Galicia.

O investigado recibía encargos dos artigos, incluído modelo, cor e talla, furtábaos e adoitábaos ocultar no interior dos armarios de supermercado antes de entregalos aos seus clientes.

A Policía achou no seu poder, ademais de artigos subtraídos, numerosas chaves deses armarios. "É todo un experto neste negocio. É o seu modo de vida", explica un dos axentes.

[ Na foto, unha prenda recuperada ]