Seguir ampliando as instalacións do Concello de Ponte Caldelas pasa por facerse coa planta alta do edificio da antiga Cámara Agraria. O dato coñeceuse este venres no transcurso da visita da delegada territorial da Xunta en Pontevedra, Luisa Piñeiro, ao Concello para a primeira toma de contacto protocolaria co alcalde, Andrés Díaz.
Do mesmo xeito que todas as visitas que está a realizar a delegada para coñecer aos alcaldes, Piñeiro coñeceu os proxectos que teñen en común ambas as administracións, pero tamén a "lista de plans" do Goberno caldelano para os próximos anos. De todos os proxectos, a maioría foran anunciados, salvo o plan para facerse coa planta alta da antiga cámara agraria para ampliar as instalacións municipais.
O Concello de Ponte Caldelas repártese, desde o ano 2006 en dúas edificacións singulares unidas por un túnel de cristal e un ascensor que fai a tarefa de repartir aos visitantes entre os espazos de oficinas e os destinados á Alcaldía e sala de Plenos.
A obra foi desenvolvida nun dos mandatos de Perfecto Rodríguez e financiada pola entón Consellería de Xustiza e Administracións Públicas, dentro dunha liña de axudas para mellorar as instalacións municipais e a súa accesibilidade. Nese momento conseguiuse a cesión da primeira planta, que supuxo unha ampliación en 128 metros do espazo que se destinou no seu momento a Servizos Sociais, Técnica Local de Emprego e recadación.
A reforma permitiu desdobrar e dotar de espazo propio outras das funcións municipais que no seu día se atendían no mesmo mostrador do Rexistro Xeral.
O método de ampliar o edificio cunha cúpula de cristal que o unise á antiga Cámara Agraria foi a única vía para que Ponte Caldelas mantivese o seu Consistorio como sede principal das oficinas. O edificio central data de 1912 e o que se engadiu, de 1919, de modo que a supervisión de Patrimonio foi moi estrita e as reformas apenas afectaron a elementos principais e distribución, en especial na Casa do Concello. A Cámara Agraria seguiu acollendo na súa planta alta algunhas das funcións da oficina agraria, como a expedición de permisos de queimas ou as comunicacións por danos en cultivos agrícolas ou na gandaría.
O Goberno Local non desvelou cales serían os espazos a recolocar na planta alta do edificio, nin o proceso que habería que seguir para facerse coa mesma, pero a edificación segue dependendo da Xunta, de modo que ese sería
PO-234. A lista de asuntos que relacionan a ambas as administracións non queda só na cesión da planta alta da antiga agraria, senón que outro edificio singular está pendente tamén da decisión da Xunta: trátase da Casa da Quintán. Unha casa indiana que foi rehabilitada no seu día para acoller o centro de respiro para familiares da Fundación Tutelar Galega para persoas con discapacidade intelectual Sálvora. O proxecto non saíu adiante e no que o Concello demanda un centro de día para maiores.
Díaz tamén considera que será fundamental a colaboración da Xunta para pór no mercado os terreos da Central do Transporte, á espera dunha modificación urbanísica por parte da Administración. Ademais, segue tamén pendente a elaboración do proxecto da terceira parte da mellora da PO-234 en Laxoso, un viario cuxa renovación se iniciou fai un par de anos no tramo cotobadés e que ten unha fase rematada tamén en Ponte Caldelas. O Concello tamén demanda axuda para manter en boas condiciones a área de Arte Rupestre de Tourón.
