Pontevedra súmase a outras cidades españolas que rexeitan a campaña antiabortista impulsada pola Asociación Católica de Propagandistas, que colocou a mensaxe 'Rezar fronte a unha clínica abortista está xenial' en marquesiñas de 33 localidades de todo o Estado.
A portavoz do Concello, Anabel Gullías, referiuse a esta iniciativa como "repulsiva" e "noxenta campaña antiabortista" e confirmou que os servizos municipais han solicitado xa á empresa concesionaria dos mupis publicitarios a supresión destes carteis. "Este é un concello feminista", reivindicou. A adxudicataria do servizo confirmou este mediodía ao Goberno local a supresión das mensaxes.
As voces en contra desta intervención chegaron desde outras entidades, como o Colectivo Feminista, que este fin de semana reclamaba a súa cancelación do mobiliario público urbano. O Ministerio de Igualdade tamén censurou o contido da campaña, que pretende visibilizar ás denominadas agrupacións provida, que están en contra do aborto e dos próximos cambios legais.
"Estamos a examinar as posibilidades que temos para facer forza", respondeu Gulías ante a posibilidade de que a campaña se manteña nos mupis da cidade. Os servizos xurídicos do Concello estudan o dereito a veto nos contidos destes valos, que poden verse en zonas como o Paseo de Colón ou nas proximidades da Audiencia Provincial.