Os casos de coronavirus nos centros educativos da área sanitaria de Pontevedra seguen en ascenso. Se este mércores había 97 positivos, este xoves a cifra é de 109, doce máis, mentres que as aulas pechadas son tres. A Escola Unitaria de Cerdedo-Cotobade mantense como o único centro inoperativo de Galicia.
Os centros educativos con aulas pechadas son
O CEIP de San Roque, en Vilanova de Arousa, é o centro que máis positivos acumula (16).
GALICIA. Os casos activos de covid-19 en centros educativos non universitarios de Galicia subiron ata os 631, con 22 casos máis que no último rexistro; mentres que o número de aulas pechadas descenden en oito, ata as 34, segundo os datos facilitados pola Xunta.
Ademais, a escola infantil unitaria de Cerdedo-Cotobade, en Pontevedra, atópase totalmente pechada por contagios de covid-19.
A área de Vigo segue contabilizando o maior número de contaxiados, 197 (tres máis que no último rexistro) e conta con 5 aulas pechadas (dúas menos); seguida da Coruña, con 172 contagios (catro máis), e nove aulas pechadas (tres máis).
Pontevedra suma un total de 109 casos (doce máis) e tres aulas pechadas (tres menos); a área de Santiago contabiliza 78 casos (tres máis) e cinco aulas pechadas (cinco menos).
Lugo é a única área sanitaria de Galicia que non ten ningunha aula pechada, nun día no que os casos totais na súa comunidade educativa é
Para rematar, a área de Ourense rexistra 35 casos (dous máis) e unha aula pechada (unha menos) e a de Ferrol conta con 11 casos e unha única aula pechada (sen cambios).