domingo. 15.09.2019 |
El tiempo
domingo. 15.09.2019
El tiempo

Pontevedra recrea os anos 20 coa cuarta edición de 'Ponte Coqueta'

Edición do pasado ano de Ponte Coqueta. BEATRIZ ÍSCAR
Edición do pasado ano de Ponte Coqueta. BEATRIZ ÍSCAR
Celebrarase entre o 26 de agosto e o 1 de setembro

A cuarta edición de 'Ponte Coqueta' en Pontevedra estará dedicada á muller e ao cabaret dos anos 20 aos 50. As actividades comezarán o vindeiro luns 26 de agosto e prolongaranse até o domingo 1 de setembro. A concelleira de Festas, Carme da Silva, e o promotor desta iniciativa cultural, Marcelo Dobode, presentaron 'Ponte Coqueta 2019' nun acto no que animaron a todos os veciños a "sacar a revolución que levan dentro".

A programación arrinca o luns 26 de agosto no Casino Mercantil coa conferencia 'A muller e ou cabaré da Galiza', que impartirá Iria Piñeiro e na que falará da importancia da muller na música galega. Será a partir das 20,00 horas. O mércores 28 haberá un taller infantil de cabaret no Mercantil a partir das 18,00 horas. A actividade repetirase ao día seguinte no mesmo sitio e á mesma hora. Para os maiores tamén haberá talleres na Casa Azul tanto de iniciación como avanzados.

Haberá diferentes obradoiros de baile lindy hop, charlestón e cabaret

Por unha banda, o xoves serán os obradoiros de cabaret e o venres de baile lindy hop. Poderán apuntarse todas as persoas que queiran iniciarse nos bailes e ás 20,00 horas aqueles que queiran perfeccionalo. Para este último taller será necesario acudir con parella. O venres ás 22,30 horas poderá verse o espectáculo de cabaret ao aire libre. Celebrarase na Praza de Curros Enríquez e os seus organizadores prometen que estará "cheo de sorpresas", explicou Marcelo Dobode. Faranse bailes na rúa da man de Iria Piñeiro e Marinita Quellas, entre outras.

FIN DE SEMANA

O sábado empezarase cedo con outro obradoiro de iniciación, esta vez ao lindy hop. Será no Mercantil e empezará ás 9,00 horas o de iniciación e ás 11,00 o avanzado. Ás 12,00 terá lugar a mostra de swing, lindy hop e charlestón nas prazas da Ferrería, Peregrina e Curros Enríquez. As actividades do sábado realizaranse na Praza de Curros Enríquez. Ás 13,00 horas está fixada a Sesión vermú cun concerto do grupo Comando Foucellas; ás 17,00, un obradoiro infantil de cabaret onde se incluirá a presentación do espectáculo que preparen.

E ás 18,00 horas haberá unha clase aberta de Swing que "sempre se abarrota", e, como colofón para esta actividade, celebrarase o Baile Coqueto cos concertos de Áureas e de Sar Swing Quartet, que encherán a praza de música swing que "fará bailar a todo o mundo que se achegue".

Pontevedra recrea os anos 20 coa cuarta edición de 'Ponte Coqueta'
Comentarios