Novo respiro para o mercado laboral. Pontevedra reduce a súa lista parados por segundo mes consecutivo e faio baixando dos 6.000 desempregados por primeira vez desde setembro, cando acabou a campaña de verán. O último informe da Xunta, publicado este martes, revela que a capital provincial pechou febreiro con strong<> 5.952 veciños en paro, 70 menos que en xaneiro.
A pesar desta situación, a foto fixa do emprego na cidade é peor á de hai exactamente un ano, xusto antes do inicio da pandemia do coronavirus. En febreiro de 2020 había 5.591 persoas en paro, o que implica un aumento do 6% en termos interanuais, que son os que marcan a tendencia sobre a evolución do mercado do traballo.
Os sindicatos advirten de que as estatísticas poden ser un espellismo da realidade. E o motivo reside principalmente en que os traballadores afectados por Expedientes de Regulación de Emprego (Erte), aos que moitas empresas se acolleron por forza maior ou outras causas derivadas a crise que deixa a covid, non computan como desempregados.
O último parte autonómico segue pondo de manifesto que a maior parte dos desocupados en Pontevedra proceden do sector servizos, concretamente sete de cada dez. Na cidade contabilizáronse o mes pasado 4.354 parados vinculados a actividades deste tipo, o que supón seis menos que en xaneiro.
A industria segue superando á construción en canto a número de parados: 547 fronte a 457. E aínda que a cifra de pontevedreses sen traballo reduciuse en todos os sectores, o certo é que o do ladrillo foi o que experimentou a maior baixada. Un total de 22 persoas saíron das listas oficiais do antigo Inem na construción durante o último mes.
A agricultura e a pesca é o ámbito con menos paro no municipio que, con todo, mantén un elevado número de parados de longa duración. En total hai 454 pontevedreses que levan máis dun ano sen asinar un contrato.
PARO FEMININO. O paro feminino, á alza, mantense por encima do masculino. Pontevedra despediu febreiro con 3.469 mulleres desempregadas, a maior parte no tramo de idade que vai de 45 a 49 anos. Os homes sen traballo foron 5.952 e principalmente na franxa comprendida entre 55 e 59 anos. En termos porcentuais, as paradas representan ao 58,3% e a de parados ao 41,7%.
En canto ao nivel académico, a maior parte dos desocupados (3.420) ten estudos básicos, o que representa case a seis de cada dez. O mesmo indicador tamén revela que en Pontevedra hai 995 veciños con FP, 868 con títulos universitarios e 669 con Bacharelato ou outro tipo de formación.
TERRITORIO. O informe da Xunta reflexa que, dos 62 concellos da provincia de Pontevedra, en 30 baixou baixou o paro o mes pasado, en 28 subiu e en catro mantívose a mesma cifra de parados. Na comarca do Salnés aumentou o desemprego en todos os municipios salvo Meis.
En canto ás sete cidades galegas, o nivel de desocupados baixou en todas menos en Lugo.
