martes. 04.08.2020 |
El tiempo
martes. 04.08.2020
El tiempo

Os pontevedreses gastarán unha media de 56 euros nas rebaixas de verán

Durante xullo e agosto prevese un aumento nas vendas do 5% en toda a comarca

A calor estival e o comezo das «Rebaixas de Verán 2019» obrigou aos consumidores a renovar o seu armario coas pezas máis estivais que se poden adquirir nalgún dos numerosos comercios existentes na cidade e que abarcan desde as pequenas e tradicionais tendas de moda ata os establecementos das cadeas máis importantes do sector.

A Federación Provincial de Comercio de Pontevedra espera desta campaña uns bos resultados cun incremento do 5% nas vendas. Entre as dez comarcas da provincia prevese que o consumidor medio desembolse uns 56,40 euros, aínda que o incremento vese minguado respecto doutros anos. Entre os municipios de maior gasto medio estimado, sobresae Pontevedra (64 euros), Poio (63) e Cotobade (60).

Polo que respecta, ao total da provincia, prevese que as vendas alcancen os 58 millóns de euros. Destes, ao redor de 8 millóns corresponden á comarca de Pontevedra.

Prevese que as vendas alcancen os 58 millóns de euros

Coa liberalización comercial os consumidores puideron gozar dunhas anticipadas rebaixas nas principais cidades, nas que levan máis de dous meses con prezos especiais ao 50 % e 60% , que segundo a Federación prexudican ás xa tradicionais rebaixas de verán. Con todo, será durante este mes de xullo e o próximo agosto cando se alcancen os maiores descontos que oscilarán entre o 70% e 80%, debido á necesidade de eliminar e dar paso á nova tempada téxtil e a roupa do próximo outono.

Esta campaña comercial convértese nunha das máis potentes do ano, dado que favorece en gran medida a produtividade dos grandes establecementos da provincia de Pontevedra e reaviva o comercio local.

¿QUÉ SE COMPRA?

Durante as próximas semanas os consumidores buscarán as melloras gagas e para facerse  co  kit perfecto para gozar do verán e non perderse ningunha ocasión especial. De acordo cos datos da Federación Provincial de Comercio os produtos que máis se compran son: cremas, bañadores, calzado fresco e roupa.

Os produtos que máis se compran son: cremas, bañadores, calzado fresco e roupa

A campaña de  primeiras comuñóns e a época de vodas tamén levan un aumento do gasto en téxtil, agasallos e contratación hostaleira, que contribúe a este incremento no consumo. As rebaixas de verán supoñen así unha excelente oportunidade para que os comerciantes, aínda sacrificando beneficios, consigan atraer aos consumidores e vender máis artigos.

Primeiras comuñóns e a época de vodas tamén levan un aumento do gasto

Pola súa banda, o comercio electrónico gaña importancia cada ano e nestas rebaixas non será menos. Aqueles que desexen unha maior comodidade e dispoñibilidade teñen estes meses a oportunidade de conseguir artigos a prezos alcanzables cos que estarán conectados a diario nas redes sociais para compartir as súas ansiadas vacacións.

Os pontevedreses gastarán unha media de 56 euros nas rebaixas de verán
comentarios