O PP eleva o ton das súas críticas cara ao grupo do BNG no Goberno local a concelleira 'popular' Pepa Pardo acusou este martes aos nacionalistas da inducir a menores de idade a consumir alcol nas Peñas.
"Parece mentira que teñamos que recordarlle ao Concello que non incite a beber alcol a menores baixo ningún concepto. Esperemos que Da Silva (edil de Festas) non siga dicindo que isto é un premio polas boas notas e que o balance destas festas é positivo", asegurou a edil do principal partido da oposición.
Pardo asegurou que as Peñas ensucian, impiden o descanso dos veciños e provoca que os turistas "fuxan espantados" da cidade, ademais de perdas no sector servizos. A pesar deste panorama, a edil do PP "non" prohibiría nin esta festa nin o botellón asociado a ela.
"O que non queremos é que se beba na rúa", dixo a continuación para referirse a que o Concello debe controlar o consumo de alcol entre os menores. Para iso reclamou máis presenza policial tras as oito intoxicacións etílicas do pasado fin de semana, dúas delas de nenos de 14 anos.
Pardo, que quere que as Peñas teñan un operativo igual que o de Feira Franca en materia de seguridade e limpeza, criticou ao Goberno local por facilitar "datos incompletos" sobre o dispositivo de urxencias do 061, que lle compete á Xunta e non ao Concello.
