O PP de Pontevedra, con Rafa Domínguez á fronte, anunciou que levará ao pleno municipal do próximo 28 de setembro, a través dunha moción, a súa proposta para a creación da Casa da Cultura Municipal Alexandre Bóveda.
Segundo explica nun comunicado, concíbese como "un espazo no que acoller a todos os sectores involucrados neste ámbito" e a formación dun clúster cultural como "elemento catalizador" da creación de riqueza.
Tras coñecerse a decisión do Ministerio de Facenda de retirar "do mercado" o inmoble situado nas inmediacións da Praza da Peregrina para "darlle un uso público", o presidente local considera que é "o momento de facer unha proposta en positivo que beneficie a todos os veciños da cidade".
"Pontevedra conta cun enorme potencial cultural que non se está aproveitando adecuadamente", esgrimiu Domínguez. "Queremos que a cultura aumente o seu peso como un dos motores económicos da cidade", apostilou.