O grupo popular no Concello de Pontevedra pedirá no pleno municipal deste luns que se rexeiten as alternativas do Ministerio de Fomento para o segundo tramo da autovía A-57, que conecta A Ermida e Pilarteiros, e solicitarán que estableza unha nova proposta.
A través dunha moción, o PP trasladará as denuncias dos veciños de Xeve e Bora afectados polo trazado previsto e solicitarase que se busque un novo trazado que sexa menos lesivo e que inclúa ademais as suxestións que os veciños destas dúas parroquias trasladaron aos técnicos de Fomento hai xa varios meses".
Así o reclamou o portavoz, Rafa Domínguez, que sostén que "é posible un trazado menos lesivo" e que esixe que se pida a elaboración dunha nova proposta a Fomento.
"Lamentamos que non sexa o BNG de Lores o que lidere as reivindicacións veciñais. É triste que os veciños teñan que abordar ao Alcalde nun corredor para que os escoite", concluíu.
